Mon langkosé, mon kréolité
Mon kèr lé kome un volcan, pou laisse zazakèl apprend, pou laisse zarlor rakonté. Li essaye pa trop fé dézord, li bat ti lamp ti lamp, pou pa gagne palpitation.
Sa un langposé pou sa ke la pou soubat dan malizé. La di kan le kèr i saigne, é ke ou lé tou sèl pou fabrik un garo, lé rescab néna un zyé la pou veille koulé.
Un pensé pou mon band’ lé dan péï la fré, et ke la pou vive de près, sa ke nou voit de loin. Nou tout lé de passage dans ce monde de fou.
Mon kèr lé chamboulé, mé mon lèspri i voyaz, mèm dan tangaz.
Un pensé pou tout Monmon, Papa, avek son ti zazakèl.
Ki sa la vé peur fénoir kan té petit ? A moin té mon souci. Peut-être zot va artrouv un parti zot l'enfance dan’ mon Fonnkèr.
La misère na un sèl koulèr. Son lodèr i arive juska bord’ mer. Marche pa tèt baissé. Gard’ pa rien ke en lèr non plus.
Mi larg' un kosé kome un tizane, pou essay' soulaz out pensé. Malizé, lé un vent i souffle fort. Mé un jour, li fini par perd son gadyamb.
