Fanny Racazo

Maziné

  • Dent blanc, kèr noir

    Sa un langposé pou sa ke la pou soubat dan malizé. La di kan le kèr i saigne, é ke ou lé tou sèl pou fabrik un garo, lé rescab néna un zyé la pou veille koulé. La di kan ou tatone dan fénoir pou rod la limièr, é ke néna do lo su out po, su out jou, la pou koulé kome un rivièr, lé rescab néna un main la pou fé un puit, pou fé koule enkor plus. Mé la di osi, oubli pa ke dan sentié galé, néna do lo i trouve zot force dan’ ravine, dan’ cascade, é mèm ke zot i fé pa semblant, kan zot i débark bord de mer. Mon pensé i sa va enkor pli loin. Li vien trap a ou, é li di a ou, tien bo larg’ pa.

  • Noir, blanc métis

    Mon kèr lé kome un volcan, pou laisse zazakèl apprend, pou laisse zarlor rakonté. Li essaye pa trop fé dézord, li bat ti lamp ti lamp, li vé pa gagne palpitation. Sinon, li débord en émotion. Mé na de jour, lé pli fort ke li, son fonnkèr i explose.