Zarlor

Zarlor

Bonjour mamzelle !
Mi vend un paquet de rêve.
Lé joli, lé bleu kome le ciel.
I sent bon, na l’odeur l’espoir.

Bonjour jeune gens !
Mi vend un bouquet de confiance.
Lé enkor fré, moin la cueille grand matin.
I sent bon, na l’odeur l’harmonie.

Bonsoir madame !
Moin la cueille un takon de sérénité.
Lé bien vert, na la koulèr l’espoir.
I sent bon, n’a l’odeur du bonheur.

Bonsoir monsieur !
Moin la passe la journée dan’ chemin.
Moin la trouv’ out ti famille, en lèr la-bas.
Zot la di a moin, zot i achèt pa mon band’ promesse.
A ou essai fé un geste, i sent bon, na l’odeur mon misère.

espoir misère kréolité émotion fonnkèr

  • Aucune note. Soyez le premier à attribuer une note !

Ajouter un commentaire