Mon stylo pleure

Fonnkèr pou zazakèl

Fonnkèr pou zazakèl

Ti zazakèl i apèl a moin Mamie !

Mi lé kontan oté ! Mi rit !

Sa lé gadyamb, sa lé joli !

Dan’ zot main, néna mon vie.

Dan’ mon kèr, néna zot folie.

 

Oté lé gayar, kan ou lé marmaille zordi !

Dan zot kosé, néna mon zistoir, mon fonnkèr.

Mé lé kel koulèr, zot i koné pa.

Attend a moin, kour pa trop vite.

Assis a zot, ékout sa ke mi sa di.

 

Kan moin té petit.

Mon manège té un moulin maïs.

Mon tapis de jeu té un goni.

Mon toupi té un grain de letchi.

Mon gobelet navé le goût la pluie.

 

Rit pas oté, sa té mon vie !

Kome sa mèm, moin la grandi.

Kan té arrive la nuit, côté mon lit.

Marchand de sable té guette a moin, té rit.

Mémé té vient souffle sur la bougie.

Éteint tout, allé dormi.

 

Mé kalkil pa, té pa fini.

Dan’ mon coco, moin té dit.

Dépêche a ou la nuit, file a ou vite.

Moin la peur fénoir, mi veut pa dormi.


Les pensées de Fanny RacazoKoulèr le kèr

Date de dernière mise à jour : jeudi, 19 mai 2022

  • Aucune note. Soyez le premier à attribuer une note !

Ajouter un commentaire

 
×